大纲
作为一个讲粤语的人，如果想喺网上交流都用粤语，一系用语音(而家都几方便)，一系用拼音打出来。
如果选择打字，就可以拣用普通话拼音或者粤语拼音。用开普通话拼音嘅朋友们应该都会觉得，噉样比较容易思维错乱（要先用粤语讲，跟住转成普通话，再打出来...特别系有啲字嘅读音非常不同，例如谂(国语读shěn，而粤语读nam2)），而且好难打正字同纠正懒音（常见错误：倾偈(not倾计)，快啲/快D(not快滴，滴只有“滴水”的读法)，我读ngo5而唔系o5等等......）
所以，今日的呢篇文章就教大家点学识粤语拼音，点去用粤语输入法。
Ⅰ粤语拼音，点学吖？
注：呢度介绍的拼音系「香港語言學學會粵語拼音方案(LSHK)」，如果之前有学过其他拼音方案的(如耶鲁，广州)，可以参考「粵語審音配詞字庫」的對照表(聲母、韻母、聲調)來学习LSHK方案。
之前一啲基础都冇？唔使惊，下边列出一啲学习同查询嘅网站：
0.0(完全不会粤语者）冚唪唥粤文 非常好的入门教材，不过它的影片是通过Youtube播放，所以需要科学上网才可以观看学习.
0.1.(强力推荐)下载一个粤语拼音输入法(后面会介绍)，边用边学效率最高
1.(强力推荐)粤拼.org 声母、韵母、字调一应俱全，而且有埋录音可以边听边学
2.(字典查询推荐)粵語審音配詞字庫 唔识读嘅字可以喺呢个网站查，只能用繁体字查询，且只能单字查询，变调嘅都好少有标
3.(查询推荐)粵典 唔明白嘅字、词语可以喺呢个网站查，不过需要用繁体查询，字典未完善，有啲可能查唔到
4.(查询推荐)维基词典 系收录中文嘅词典，不是专门为粤语嘅词库，不过唔明白嘅字、词都可以喺呢个网站查，而且可以用简体查询，一样未完善，有啲可能查唔到
因为大陆屏蔽咗Wikipedia嘅所有项目，所以要科学上网或者使用镜像网站.（旧文传送：免费制作并使用镜像网站）
Ⅱ粤语拼音输入法推荐及配置
Windows端
个人推荐使用Rime粤拼，该项目全平台都有（Windows, macOS, Linux, iOS, Android），不过我只使用过Windows同Android端。推荐嘅原因系：佢会显示拼音，而且系一个开源嘅项目，所以不会秘密收集用户资料，另外可以定制一啲功能。不过佢嘅词频设置比较唔理想，会有一啲常用字摆到好后去拣。
安装完成后可进行自订制，官方定制指南：可修改外观、调整横竖排、候选数量等等
注：安装后在开始栏可见到小狼毫嘅文件夹，定制修改都在用户文件夹完成，修改后记得重新部署才会生效
例子：设置默认简体输出(本来系默认繁体输出)
1.打开用户文件夹嘅jyut6ping3.schema.yaml，修改第44行为reset: 3
2.保存修改后的文件，揿重新部署即可
其他定制请参考官方定制指南，如遇到问题都可以留言畀我
Android端
1.Gboard粤拼，Google出品，体验都唔错
2.同样可以选择Rime粤拼，不过佢嘅选词非常细...好容易揿错，而且词频做得差
3.搜狗粤拼输入法，国内嘅产品，体验几好，不过存在隐私隐患
其他平台？
小弟我冇钱，所以冇办法帮大家试水。如有推荐嘅，都可以留言畀我